DYOR platformasining tadqiqotiga ko‘ra, Web3 loyihalariga sarmoya kiritadigan ba’zi kompaniyalar ushbu tokenlarni sotish orqali bozorda savdo bosimini yaratishi mumkin.

Mutaxassislar hammasi bo‘lib 25 ta kripto-loyihani ko‘rib chiqishda, ba’zi loyihalarning investorlari tokenning umumiy ta’minotining katta qismiga egalik qilishlari sababli loyihada ustun rol o‘ynashlari aniqlangan. Bu esa tokenlar sotilgan taqdirda narxlar jiddiy arzonlashib ketishini anglatadi.

Bu tokenlar ro‘yxatiga quyidagilar kiradi: SEI, Connext, SAGA, Ethena, Altlayer, Celestia, OMNI, MANTA, CyberConnect, Starknet, Maverick Protocol va REZ.

Investorlar katta sarmoya kiritmagan, lekin sotish orqali yuqori savdo bosimini yaratishi mumkin bo‘lgan tokenlar esa ONDO, Dymension, Arkham, Pixels va ZETA deb ko‘rilmoqda.