Agar AQShning FRS (Federal zaxira tizimi) “Biz stavkani oshiramiz” desa, butun moliyaviy bozor hushyor bo‘ladi. Kriptoaktivlar markazlashmagan bo‘lsa ham, bu yangiliklarga kuchli reaksiya bildiradi. Nega? Va agar FRS stavkani tushirsa, Bitcoin narxi oshadimi?

💰 FRS stavkasi qanday ishlaydi?

FRS foiz stavkasi — AQShda pul olish narxini bildiradi. Agar stavka oshsa:

• Kreditlar qimmatlashadi;

• Pul "qimmatlashadi", olish qiyinlashadi;

• Odamlar va kompaniyalar kamroq xarajat qiladi va investitsiya qiladi.

Aksincha, agar stavka tushirilsa:

• Kreditlar arzonlashadi;

• Odamlar ko‘proq qarz olib, xavfli aktivlarga sarmoya kiritadi — jumladan, kriptovaktivlarga.

Stavka inflyatsiyaga va investorlar xulqiga ta’sir qiladi. Kriptobozor esa o‘ta o‘zgaruvchan, shuning uchun bunday yangiliklar katta ta’sir qiladi.

📉 Nega stavka oshsa, kripto tushadi?

FRS stavkani oshirganda, investorlar xavfli aktivlardan chiqib, barqarorroq joylarga, masalan, obligatsiyalar, dollar yoki bank omonatlariga pul o‘tkazadi. Natijada:

• Kriptovaktivlardan kapital chiqadi;

• Spekulyatsiyaga qiziqish kamayadi;

• Narxlar tushishni boshlaydi.

Yana bir sabab — yuqori stavka inflyatsiyaga qarshi kurash belgisi. Bu esa "xavf qilish vaqti emas" degan ishora.

🚀 Agar stavka tushirilsa-chi?

Shunda bozor “jonlanadi”. Arzon pul mavjud bo‘ladi va investorlar yana xavfli aktivlarga o‘tadi:

• Texnologik kompaniyalar aksiyalari;

• Kriptoaktivlar;

• Altkoinlar va DeFi loyihalar.

Ba’zida faqat FRS stavkani tushirishi mumkinligi haqidagi mish-mishlar ham Bitcoin va Ethereum narxini oshiradi.

🧩 Xulosa

FRS stavkasi faqat AQSh iqtisodiyoti uchun emas — u global moliya bozorlari uchun signal. Kriptoga qanday ta’sir qilishini tushunish, xavotirga tushmasdan to‘g‘ri strategiya tuzishda yordam beradi. Kelajak-chi? Endi hammasi navbatdagi FRS qarorlariga bog‘liq.