"Shark Tank" sarmoyadori milliarder Mark Kuban Bitcoinning istiqboli haqida gapirib, u kriptovalyutaga ularning potensiali  tufayli sarmoya kiritganini aytdi.

“Faqat 21 million (Bitkoin) bo‘ladi. Qanchalik ko‘p odam sotib olsa va qancha kam odam sotsa, bu narxning oshishini anglatadi. Uning tabiati shunday. Bu juda katta qiymat ombori. Shuning uchun menda bunga investitsiya bor. Chunki men talab sotayotganlar sonidan oshib ketishini his qilyapman”, - deydi u. 

Mark o‘z kripto portfeli taxminan 60 foizi Bitcoindan iborat ekanligini ma’lum qilgan edi. Qolganlari birinchi navbatda Ethereum (30%) uchun ajratilgan, qolgan 10% esa turli xil tokenlar bo‘yicha diversifikatsiyalangan.

Mark Kuban kripto makonida topadigan asosiy kamchilikdan biri barcha yoshdagi odamlar  tomonidan keng qo‘llab-quvvatlanadigan ilovaning yo‘qligi haqida yana bir bor ta’kidladi.

"Bizga kriptovalyutalarda hamma uchun mos ilova ishlab chiqilishi kerak " dedi u. "Ammo shu vaqtgacha, faqat investitsiya nuqtayi nazaridan, men doimiy Bitcoinga sarmoya kiritaman." deya qo‘shimcha qildi.

Shunday bo‘lsa-da, Markning kriptografiyada har doim ham omad kelmagan. O‘tgan yili uning kripto hamyonlaridan biri xakerlar tomonidan buzilib, natijada turli kriptovalyutalar bo‘yicha taxminan $870 000 dollar yo‘qotgan edi.