Kriptovalyutlarga investitsiya kiritadigan har bitta inson aktivlarini qayerdadir saqlash ehtiyoji vujudga keladi. Bu markazlashgan birjalarda, issiq hamyonlarda yoki kriptovalyutalarni saqlashga xizmat qiladigan maxsus qurilmalarda bo‘lishi mumkin.

Issiq va sovuq hamyonlar sizning kripto-aktivlaringizni shaxsiy kalitlaringizni turli usullar bilan himoya qiladigan kripto hamyonlar hisoblanadi.

Issiq hamyonlar va sovuq hamyonlar o‘rtasidagi asosiy farq shundaki, issiq hamyonlar qulay yuborish va qabul qilish uchun kompyuteringiz yoki telefoningiz orqali internetga ulanish bilan kripto-aktivlarngizni himoya qiladi va saqlaydi. Masalan, Metamask, Truthwallet kabi issiq hamyonlar sizga tegishli tokenlarni saqlashga yordam beradi.

Sovuq hamyonlar esa ma’lumotlaringizni oflayn rejimda saqlaydigan apparat saqlash qurilmalari hisoblanadi. Sovuq hamyonlarda saqlanayotganda kripto-aktivlar internetga bog‘lanishga ehtiyoj tug‘dirmaydi.

Issiq hamyonlar xavfsiz hisoblanib, ularni yaratish uchun sizdan shaxsiy ma’lumotlaringiz, emailingiz talab etilmaydi. Shunchaki hamyon ochish chun sizga kerak bo‘ladigan 12 ta yoki 24 talik so‘zni boshqa birovga bermasligingiz, yo‘qotib qo‘ymasligingiz zarur.

Shaxsiy kalitlarni onlayn tarzda himoyalash Web 3.0 da himoyalanadi. Biroq, xaker ulangan qurilmangizdan hujum vektori sifatida foydalanishi mumkin va undan issiq hamyoningizga kirib, shaxsiy kalitlaringizni masofadan chiqarib olish uchun foydalanishi mumkin. 

Shaxsiy kalitlarni kompyuter yoki telefonda himoya qilish ularning har doim ushbu turdagi xavfga duchor bo‘lishini anglatadi.

Sovuq hamyonlar nisbatan xavfsiz hisoblanadi. Internetga ulanmagan holda ham kriptovalyutalarni saqlashga xizmat qilgani uchun hech qanday kiber hujumlar uyushtirib bo‘lmaydi. Lekin dasturiy apparat sotib olish qimmatga tushishi mumkin.

Sovuq hamyon shaxsiy kalitlaringizni oflayn muhitda yaratsa va saqlasa ham, u yana bir muhim xususiyatga ega: u hech qachon aqlli shartnomalar bilan o‘zaro aloqada bo‘lmaydi .

Faqat sovuq hamyonlarda kripto valyutlarni ochish uchun zarur bo‘lgan har qanday parol yoki PIN-kodlarni talab qiladi.