Likvidlik ovi - bu market-makerlar tomonidan kichik treyderning stop-losslarini urishga qilingan harakatdir. Treyderlar kuniga minglab o'z pozitsiyalarini stop-losslar bilan ochishadi. Bu stop-losslar yirik kitlar uchun "o'lja" vazifasini o'taydi.

Aktiv narxi ushbu stop-losslarga tegganidan so'ng, o'z narx harakatini o'zgartiradi. Bozor ataylab, mayda ishtirokchilarning stop-losslarini urish uchun harakat qiladi va market-maker kutgan tomonga ketadi.

Bu qanday ishlaydi?

Ko'pchilik treyderlar muhim texnik darajalarga (support va resistance zonalari, orderblock) stop-loss qo'yishadi. Market-makerlar buni yaxshi bilishadi va bozorda yirik pozitsiyalari bilan narxni ataylab shu darajaga yetkazishadi. Barcha stop-losslar "ovlangandan" so'ng, narx yana teskari yo'nalishda harakat qiladi.  

Nima uchun bu sodir bo'ladi?

Market-makerlar market depth (bozor chuqurligi) ma'lumotlarini kuzatib, qaysi darajalarda ko'p stop-losslar borligini o'rganishadi. Ushbu sxema orqali narx birozdan so'ng qarama-qarshi yo'nalishga yurganda foyda olishadi.  

Qanday himoyalanish kerak?

Bozorda likvidlik ovidan to'liq himoyalanish mushkul, lekin xavfni kamaytirish uchun bir necha usullar mavjud:

● Stop-losslarni noodatiy darajalarga qo'ying. Masalan, 1.1000 o'rniga undan biroz yuqoriroq 1.1012 darajasiga stop-loss darajasini qo'ying. Bu sizning stop-lossingizni "ommaviy ov"dan asraydi.

● Pozitsiyangizni bir nechta qismlarga bo'lib, har biriga turli darajalarda stop-loss qo'ying. Bu barcha pozitsiyangizni bir vaqtda yo'qotish xavfini kamaytiradi.  

Likvidlik ovi - bu bozorning tabiiy qismi. Uni tushunish va undan himoyalanishni bilish har bir treyder uchun muhim. Agar siz bozorda likvidlik ovini ko'ra olmas ekansiz, demak siz bozordagi doimo likvidlik ovi qurboni bo'lasiz.