Coinbase direktori Satoshiga tegishli deb taxmin qilinayotgan manzillardan 24 ta tranzaksiya amalga oshirilganini ma’lum qildi.

Eng ko‘p mablag‘ yuborilgan manzil Kanadaning CaVirtEx kriptobirjasi bo‘lib, ushbu platforma 2016-yilda Kraken tomonidan sotib olingan. Agar bu tranzaksiyalar amalga oshirilgan paytda KYC (shaxsni tekshirish) jarayoni mavjud bo‘lgan bo‘lsa, Kraken Satoshi Nakamoto haqida ma’lumotga ega bo‘lishi mumkin.

Biroq ekspertlar bu taxminlarga shubha bilan qarashmoqda. Tranzaksiyalar Satoshi tomonidan emas, balki boshqa tasodifiy foydalanuvchilar tomonidan yuborilgan bo‘lishi ehtimoli bor.

Arkham ma’lumotlariga ko‘ra, Satoshi Nakamotoga tegishli deb taxmin qilinayotgan hamyonlarda 1,09 million BTC (~$107 milliard) mavjud. Ushbu hamyonlarda oxirgi ehtimoliy faoliyat 2014-yilda kuzatilgan.