Lookonchain zanjirli tahlil platformasi tomonidan taqdim etilgan ma’lumotlarga ko‘ra, bir kripto-aktiv investori Bluzelle (BLZ) tokeniga kiritgan sarmoyasidan 1,07 million dollar yo‘qotgan.

Ma’lumotlar shuni ko‘rsatdiki, ushbu investor 3-iyun kuni Binance birjasiga 5 million dona BLZ sotish uchun yuborgan. Bu sotuvdan keyin unga 1,83 million dollarlik 7,3 million BLZ qoldi.

Ushbu investor taxminan 2 hafta avval Binance’dan 4,14 million dollarlik 12,3 million dona BLZni donasini 0,34 dollardan sotib olgan.

CoinGecko ma’lumotlariga ko‘ra, BLZ, ayni paytida 0,249 dollardan sotilmoqda.