Avvallari o‘yinlar faqat hordiq uchun edi. O‘ynarding, zavqlanarding va shu bilan tamom. Ammo blokcheyn texnologiyalari paydo bo‘lishi bilan yangi model vujudga keldi: o‘ynang va pul toping. Aynan shuni GameFi deb atashadi - o‘yin va moliyaning uyg‘unlashuvi. GameFi nima degani?

"GameFi" - bu "Game" (o‘yin) va "Finance" (moliyaviy) so‘zlarining birikmasi. Bu modelda foydalanuvchi o‘yin o‘ynab haqiqiy daromad olishi mumkin. Sovrinlar ko‘pincha tokenlar yoki NFT shaklida bo‘ladi.

Qanday ishlaydi?

Oddiy: siz o‘ynaysiz, topshiriqlarni bajarasiz, g‘alaba qozonasiz, qahramoningizni kuchaytirasiz va buning evaziga token yoki NFT olasiz. Masalan:

1. Axie Infinity o‘yinida foydalanuvchilar Axie deb ataladigan jonivorlarni yig‘ishadi va ularni jangga tayyorlashadi, buning uchun AXS va SLP tokenlarini olishadi.

2. The Sandbox o‘yinida foydalanuvchilar o‘z dunyosini yaratib, uni kriptoaktivlarga sotishadi.

3. Gods Unchained esa karta yig‘ish va ularni NFT sifatida sotish imkonini beradi.

Nega GameFi mashhur bo‘lib ketdi?

GameFi o‘yin vaqtini daromad manbaiga aylantiradi. Ayniqsa rivojlanayotgan mamlakatlarda bu ko‘plab odamlarga qo‘shimcha daromad manbai bo‘lishi mumkin. Bundan tashqari, o‘yin orqali odamlar kriptoaktivlar bilan tanishib boradi, bu esa ancha qulay va sodda usul.

Biroq bu tizimda xavflar ham bor. Ko‘plab loyihalar yangi foydalanuvchilar oqimiga bog‘liq. Agar foydalanuvchilar kamayib ketsa, tokenlar qadrsizlanadi. Shuning uchun vaqt va mablag‘ingizni sarflashdan oldin loyiha haqida puxta o‘rganish lozim.

Xulosa

GameFi - bu faqatgina o‘yin emas, balki foydalanuvchiga raqamli aktivlarni boshqarish imkonini beruvchi yangi iqtisodiy model. Bu o‘yinlar o‘yin-kulgi va moliyani birlashtiradi. Ammo har qanday investitsiyada bo‘lgani kabi, ehtiyot bo‘lish va hammasini tushunib qilish juda muhim.