AQShning eng yirik kriptovalyuta birjasi Coinbase yana 3 ta altkoin uchun fyuchers operatsiyalarini ochishini e’lon qildi.

Coinbase’ning Twitter’dagi sahifasida e’lon qilinishicha, 8-fevral kuni soat 15.00 da Coinbase International Exchange va Coinbase Advanced’da Aptos (APT), Filecoin (FIL) va Sui (SUI) uchun uzluksiz fyuchers savdolari boshlanadi.

Ma’lumot uchun, Coinbase International Exchange sentabr oyi oxirida Bermudadan AQShdan tashqaridagi mijozlariga uzluksiz fyuchers savdosi xizmatlarini taqdim etish uchun ruxsat olgan edi.