Bugun bozorda blokcheynlar juda ko‘p: Ethereum, Solana, Avalanche va boshqa o‘nlab tarmoqlar. Lekin muammolar bir xil: sekin tranzaksiyalar, yuqori komissiyalar va tez-tez yuz beradigan nosozliklar. Shuning uchun ham yangi yechim izlanmoqda. Ana shu izlanishlar natijasida Aptos paydo bo‘ldi. U tezlik, xavfsizlik va qulaylikni birlashtirishni va’da qilmoqda.

Aptos nima?

Aptos — birinchi darajali (L1) blokcheyn bo‘lib, u aslida Meta kompaniyasining muvaffaqiyatsiz tugagan Diem loyihasidan kelib chiqqan. Loyiha yopilgach, jamoa mustaqil ravishda o‘z blokcheynini ishga tushirdi.

Asosiy farqi Move dasturlash tili bo'lib, u xavfsiz va ishonchli smart-kontraktlar yaratish uchun ishlab chiqilgan.

Aptos qanday ishlaydi?

• Tezlik: Aptos soniyasiga 160 ming tranzaksiyagacha bajarishi mumkinligini aytmoqda. Bu natijaga parallel ishlov berish texnologiyasi orqali erishiladi.

• Xavfsizlik: Move tili smart-kontraktlarda xatoliklar va zaifliklarni kamaytiradi. Bu esa foydalanuvchilar uchun ko‘proq ishonch degani.

• Kengayish imkoniyati: Tarmoq millionlab foydalanuvchilarga xizmat qilish uchun ishlab chiqilgan. Demak, Aptos faqat DeFi uchun emas, balki ijtimoiy tarmoqlar, o‘yinlar va katta hajmli loyihalar uchun ham mos.

Qayerda qo‘llanmoqda?

Aptos ekotizimi endi shakllanmoqda, lekin asosiy yo‘nalishlar allaqachon aniq:

• DeFi ilovalari (birjalar, kredit platformalari);

• NFT bozor maydonchalari;

• blokcheyn asosidagi o‘yinlar.

Investorlar millionlab dollar kiritmoqda, ishlab chiquvchilar esa faol qo‘shilmoqda.

Xulosa

Aptos o‘zini Web3 davrining yangi blokcheyni sifatida ko‘rsatmoqda: tez, xavfsiz va kengaytiriladigan. Ammo u Solana yoki Ethereum darajasiga chiqadimi yoq'mi, buni faqat vaqt ko‘rsatadi. Tarixda ham yirik muvaffaqiyatlar, ham katta muvaffaqiyatsizliklar bo‘lgan.