Appchain nima?

Appchainlar — bu faqat bitta ilova yoki loyiha uchun yaratilgan maxsus blokcheynlar hisoblanadi. Ethereum yoki Solana kabi umumiy tarmoqlardan farqli o‘laroq, appchain faqat bitta vazifani bajarish uchun mavjud. Masalan, DeFi-protokol, o‘yin, ijtimoiy tarmoq yoki birja uchun.

Asosiy g‘oya: boshqa minglab loyihalar bilan resurslarni bo‘lishish o‘rniga, ilova o‘zining mustaqil zanjiriga ega bo‘ladi.

Appchain qanday ishlaydi?

Har bir appchain o‘z validatorlari va tokenlariga ega bo‘lgan alohida blokcheyn, lekin ular yirik ekotizimlarga (masalan, Cosmos yoki Polkadot) ulanib, boshqa tarmoqlar bilan ma’lumot va aktiv almashishi mumkin.

Ishlash tamoyili:

• loyiha o‘z blokcheynini yaratadi;

• zanjir tezlik, komissiya va xavfsizlik kabi ehtiyojlarga moslashtiriladi;

• ko‘priklar yoki hub orqali boshqa zanjirlar bilan integratsiya qilinadi.

Appchainlar nima uchun kerak?

1. Ishlash tezligi. Faqat sizning ilovangiz ishlaydi, raqobat yo‘q.

2. Moslashuvchanlik. Dasturchilar konsensus, komissiya va boshqaruv qoidalarini o‘zlari belgilaydi.

3. Xavfsizlik. Bir ilovaning xatosi boshqalariga ta’sir qilmaydi.

4. Iqtisodiyot. O‘z tokenini chiqarib, foydalanuvchilarni rag‘batlantirish mumkin.

Appchainlarga misollar

• DYDX: o‘z appchainiga o‘tgan decentralizatsiyalashgan birja (Cosmos ekotizimi).

• DeFi Kingdoms: appchain sifatida ishlaydigan blokcheyn-o‘yin.

• Osmosis: Cosmos ichida mustaqil zanjir bo‘lgan DEX.

Xulosa

Appchainlar Web3 uchun moslashuvchan va kengaytiriladigan yangi arxitekturaga qadamdir. Kelajakda ko‘plab mashhur ilovalar o‘z appchainlarini ishga tushirib, foydalanuvchi tajribasini boshqarishi va cheklovlardan qochishi ehtimol.